ഇതില്‍ എല്ലാവരും ഓരോരോ ദേശക്കാരാണ്.(Keralam,Karnataka,Tamil Nadu,Odisha,Bangladesh).ജോലിസമയത്ത്‌ പലപ്പോഴും പലരുമായും കടിപിടി കൂടേണ്ടി വന്നിട്ടുമുണ്ട്.എന്നാലും റൂമിലെത്തുമ്പോള്‍ എല്ലാം മറക്കുന്നു.ജട്ടിയും ബ്രഷുമൊഴിച്ചു ബാക്കിയെല്ലാം മാറിമാറിയായിരുന്നു പലപ്പോഴും ഉപയോഗിച്ചിരുന്നത്.ഒരാളുടെ വേദനകള്‍ വീട്ടുകാരേക്കാള്‍ നന്നായി മനസ്സിലാക്കിയിരുന്നത് ഈ സഹമുറിയന്‍മാര്‍ തന്നെ.ഇവര്‍ക്കെല്ലാം പല പല സംസ്ക്കാരങ്ങള്‍ ആയിരുന്നെങ്കിലും സൗഹൃദത്തിനു ഒരേ മാനം,ഒരേ മതം.പലപ്പോഴും ജോലി മതിയാക്കി നാട്
ടില് പോകാന്‍ കയറു പൊട്ടിക്കാന്‍ ശ്രമിച്ചപ്പോഴും ധൈര്യം പകര്‍ന്നു കൂടെ നിന്നതും ഇവര്‍.ജോലിയുടെ ക്ഷീണങ്ങള്‍ ഈ നാല്‍ച്ചുവരുകള്‍ക്കുള്ളിലെ സൌഹൃദത്തിനു പുറത്തു നില്‍ക്കുമായിരുന്നു.നീണ്ട അഞ്ചു വര്‍ഷത്തിനു ഒരായുര്‍ദൈഘ്യമുണ്ടായിരുന്നുവെന്നു ജോലി മതിയാക്കി നാട്ടിലെത്തിയപ്പോഴായിരുന്നു മനസ്സിലായത്‌. ഒരു ക്ലോക്കിലെ നിശ്ചിത ഇടവേളകളില്‍ കണ്ടുമുട്ടുന്ന സൂചികളെപ്പോലെ ഇവരുമായി ബന്ധം നില നിര്‍ത്താന്‍ ഇന്നും സാധിക്കുന്നു.
